Cíes Artesanais S. Coop. Galega

Cíes Artesanais S. Coop. Galega constitúese no ano 2006 como resultado da fusión de dúas cooperativas que operaban na ría de Vigo. Actualmente conta con preto de setenta socios e socias.

En xullo de 2022, a cooperativa obtivo a certificación na marca pescadeRías de onde se non? para os grupos biolóxicos: peixes, bivalvos, crustáceos e cefalópodos.

Cíes Artesanais desenvolve a súa actividade no Porto Pesqueiro de Vigo, onde realiza a primeira venda de peixes e mariscos procedentes tanto das capturas das súas embarcacións asociadas como doutras procedentes de diferentes portos das Rías Baixas. Conta con instalacións e equipamento axeitado para a descarga e almacenamento das capturas na Lonxa de Vigo.

Os produtos do marisqueo a flote véndense na poxa da Lonxa de Mariscos do Porto de Vigo, xunto co resto das confrarías da ría, asegurando a concentración da oferta e a trazabilidade.