Rodaballo

O rodaballo ten o corpo plano, en forma de rombo, asimétrico e case circular. Está cuberto por vultiños duros, pero sen escamas. A súa boca é grande. Mimetízase co contorno, é dicir, cambia de cor adaptándose ao lugar onde se atope. Xeralmente é de cor castaña agrisada, con numerosas manchas e coa parte cega abrancazada. Reprodúcese entre os meses de abril e agosto e pode chegar a medir ata un metro.
Habita fondos mariños areosos, sen apenas moverse, desde a costa ata os 100 metros. As capturas realízanse ao trasmallo ou ao palangre de fondo. Máis abundante durante os meses da primavera.
O rodaballo é un gran protagonista na cociña da nosa terra: ao forno, en caldeirada, á prancha ou simplemente fritido; a súa carne e a textura da súa pel puxeron esta especie na liña dos máis valorados. Pódense obter uns filetes grandes e carnosos, aptos para calquera solución.
Datos da especie
- Código FAO: TUR
- Nome científico:Psetta maxima
- Nome galego: Rodaballo
- Nome castelán: Rodaballo
- Grupo biolóxico: Peixes

- Tamaño mínimo: 30 cm
- Forma de medición: O tamaño medirase desde a punta da cabeza ata o extremo da aleta caudal
Onde atopalos
- Confraría Sindical de Pescadores San Xoán de Redondela
- Confraría de Pescadores "La Anunciada" de Baiona (Lonxa de Baiona)
- Confraría de Pescadores "Nuestra Señora de las Arenas" de Fisterra
- Confraría de Pescadores "San Antonio" de Cambados
- Confraría de Pescadores "San José" de Cangas (Lonxa)
- Confraría de Pescadores "San Martiño" de Bueu
- Confraría de Pescadores "Virxe do Carmen" de Rianxo
- Confraría de Pescadores San Telmo de Porto do Son
- Confraría de Pescadores Virxen do Carmen de Corcubión
- Confraría de Pescadores de Cedeira
- Confraría de Pescadores de Muros
- Confraría de Pescadores de Portonovo
- Confraría de Pescadores e mariscadores de Ferrol
- Confraría de pescadores "San Cipriano" de Aldán - Hío
- Cíes Artesanais S. Coop. Galega
- Lonxa de A Guarda
- Lonxa de Campelo, A.I.E.
- Lonxa de Malpica
- Lonxa de Ribeira, S.L.
- Mar do Morrazo, S.C.G.