Novas
A Consellería do Mar convoca oito novos permisos de explotación para percebe a pé na Confraría de Pescadores de A Guarda e doce permisos de explotación para marisqueo a pé na Confraría de Pescadores de Cambados.
Podes acceder a toda a información sobre estas convocatorias premendo nos seguintes enlaces:
Conforme se recolle na RESOLUCIÓN do 13 de xuño de 2019 pola que se aproba o plan de xestión da centola e do boi 2019-2020, estas dúas especies poderán comezar a ser extraídas a partires de hoxe, 11 de novembro, entre a desembocadura do Miño e o Cabo de Estaca de Bares. A veda continúa dende este punto ata o Río Eo ata o 2 de decembro.
A cota máxima de captura para cada unha destas especies será de 35 kg por barco e día, á que se lle engadirán 35 kg/día por cada tripulante enrolado e a bordo.
Xa está dispoñible o boletín de novembro.
Como noticia principal, presentamos as novas lonxas autorizadas para etiquetar como pescaverde, a ecoetiqueta que acompaña aos produtos certificados, informando de que as especies capturadas baixo as modalidades de pesca aceptadas pola marca pescadeRías, ¿de onde se non? están dentro dos límites aceptables de pegada de carbono e taxa de retorno enerxético establecidos por esta ecoetiqueta.
Para consultar esta e máis noticias preme aquí.
Hoxe 4 de novembro comezou a campaña da volandeira na Ría de Arousa.
Conforme se establece na resolución que autoriza a súa captura, un total de 53 embarcacións pertencentes ás confrarías de pescadores de Cambados, Rianxo e Ribeira están autorizadas para a súa extracción. O tope de capturas por tripulante é de 50 quilos, cun máximo de 3 tripulantes por embarcación. Os puntos de control, descarga e venta serán nas lonxas de Cambados e Ribeira.
