Escarapote de pintas
Ilustrador/a: Elisabet García Aires
Especie de cabeza grande fortemente armada de espiñas. De cor acastañada ou pardo verdosa escura, e en ocasións con tinturas vermellas. Pode chegar ata os 25 centímetros aínda que comunmente mide arredor de 15 centímetros. Trátase dunha especie bentónica e litoral. De costumes solitarios, atópase en fondos rochosos ou cubertos de algas pouco profundos, ata os 800m de profundidade. Aliméntase de pequenos peixes, crustáceos e outros invertebrados. Distribúese polo Atlántico oriental e no Mediterráneo. Péscase con trasmallos e palangre de fondo.
Datos da especie
- Código FAO: BBS
- Nome científico:Scorpaena porcus
- Nome galego: Escarapote de pintas
- Nome castelán: Rascacio
- Grupo biolóxico: Peixes
- Tamaño mínimo:
- Forma de medición: O tamaño medirase desde a punta da cabeza ata o extremo da aleta caudal
