FacebookTwitter

Agulla

Agulla

Ten unhas queixadas moi aguzadas que acollen uns dentes afiados. Posúe un corpo longo e estreito de cor verdosa con brillos prateados na zona do lombo. A espiña e as escamas teñen tonalidades azuis verdosas moi características. Acada os 75 centímetros. No verán achégase ás costas formando grandes bancos.

Á agulla gústanlle as augas abertas e batidas con riqueza de peixes máis pequenos. O seu prato favorito son as xoubiñas e os pións. É un gran depredador. A agulla péscase nas faenas de cerco e ao curricán. Dispoñible todo o ano. A súa mellor época é entre marzo e agosto.

Estamos diante dun peixe excelente, mal considerado polo aspecto verdoso do seu interior. Por iso, lamentablemente, é pouco habitual encontrala en fresco, malia a súa carne compacta prestarse a multitude de solucións na cociña por un módico prezo. Afumada, tradición que se está recuperando, é un prato exquisito; e nos guisos obtéñense dela sorprendentes resultados. Tamén resulta moi recomendable a empanada de agulla. Simplemente frita é saborosísima. En certas aldeas da Costa da Morte faise en caldeirada, xunto con outros peixes azuis.

Details of species

  • FAO code: GAR
  • Scientific name:Belone belone
  • Galician name: Agulla
  • Spanish name: Aguja
  • Biological group: Peixes
Agulla
  • Minimum size: 25 cm
  • Measurement Method: O tamaño medirase desde a punta da cabeza ata o extremo da aleta caudal