Vieira galega, crema de coco, agripicante de mango e crudinte de cacahuete
Ingredientes:
Dos vieiras por comensal.
Para a crema de coco:
- ½ cebola
- ½ allo porro
- 100 ml de leite de coco
- aceite de oliva
- sal
- pementa
Para o agripicante:
- 1 mango maduro
- ½ cebola
- ¼ pemento vermello
- ½ chile fresco
- 20ml de brandy
- 20ml de vinagre branco
- 2 culleradas de azucre moreno
- 1 cullerada pequena de xenxibre
- ½ cullerada pequena de noz moscada
- 100ml de auga
- Aceite de oliva
Para acabar o prato:
- brotes
- cacahuetes
- sal
Receita cortesía de INDOeVINDO Espazo Grastonómico (Cambados).
Preparamos a crema de coco:
Poñemos unha cazola ao lume cun pouco de aceite de oliva. Engadimos a cebola e o allo porro ben picados e deixamos que se rustre ben. Cando isto todo ben rustrido engadimos o leite de coco e deixamos cociñar. Engadimos sal e pementa. Deixamos reducir e coamos para obter unha crema fina. Reservamos.
Preparamos o agripicante:
Picamos e rustrimos a cebola nun fondo de aceite. Salgamos e incorporamos o pemento. Pelamos e picamos o mango e engadímolo. Cociñamos uns minutos.
Regamos co brandy e deixamos reducir, logo engadimos o vinagre. Pasados un par de minutos incorporamos o chile, o xenxibre, a noz moscada, o azucre e a auga. Deixamos cociñar uns 5 minutos.
Trituramos. Rectificamos de sal e azucre se é necesario. Reservamos.
Poñemos unha tixola cun pouco de aceite de oliva e tostamos lixeiramente os cacahuetes crús e unha vez tostados rompémolos en anacos pequenos. Reservamos.
Poñemos unha tixola cun pouco de aceite e, cando este ben quente, engadimos as vieiras e pasámolas por ambos lados procurando non darlles unha sobrecocción. Reservamos. Xusto antes de empratar cortamos as vieiras en láminas finas
Para empratar poñemos no fondo do prato a nosa crema de coco, encima poñemos a vieira laminada e unhas escamas de sal. Encima da vieira poñemos o noso agripicante de mango e acabamos empoando un pouco de cacahuetes partidos e uns brotes.
