Crema de tomate ao aceite de oliva con salpicón cremoso de centola

FacebookTwitter
Crema de tomate ao aceite de oliva con salpicón cremoso de centola
INGREDIENTES

Para 2 persoas:

Para o salpicón

  • 2 centolas pequenas
  • 2 claras de ovo cocido
  • 50 g de maionesa
  • 1 cullerada de vinagre de Xerez
  • Ceboliño
  • Sal e pementa negra

 

Para a crema

  • 250 g de tomate moi maduro
  • 100 g de aceite de oliva
  • 25 g de vinagre branco
  • 30 g de pan branco seco
  • 1 dente de allo pequeno
  • 50 g de pemento vermello
  • sal

 

Para decorar

  • 20 g de ovos de troita
  • Carochos de pan

O chef Javier Rodríguez Ponte “Taki”, amósanos como preparar esta receita cun dos nosos mariscos máis apreciados e que foi presentada durante as II Xornadas de Promoción e Difusión dos Produtos do Mar de Galicia “Do Mar ao Prato”.                                                                                                                                                                                                                                                                                                                                                                                                                                                         

Preparación:

Cocer 8 minutos as centolas en abundante auga salgada partindo de auga tibia.

Arrefriar a temperatura ambiente e pelar coidadosamente extraendo a carne limpa. Reservar os cachos e lavalos ben. Ligar a carne coa maionesa, o vinagre, as claras de ovo e abundante ceboliño picado. Salpementar.

Para a crema de tomate, triturar todo ata que quede unha crema, coar e poñer a punto de sal e engadir un pouco de azucre se fose necesario para corrixir a acidez.

Servir a crema dentro do cacho da centola. Sobre a crema dispoñer o salpicón e decorar coas ovas de troita e os carochos de pan.

Presentar sobre unha base de xeo picado.