Ensalada tibia de raia con vinagreta de hummus de pemento
INGREDIENTES
(4 persoas)
- 1 anaco fermoso de raia por persoa
- 4 tomates maduros
- Leituga
- Aceite de oliva virxe extra
- Sal en escamas
Para a vinagreta:
- 3 medidas de aceite de oliva virxe extra
- 1 medida de vinagre suave
- Una cullerada de hummus de pemento
Receita aportada pola blogueira gastronómica María José Basanta (Blogue: Laurel y canela).
Preparación:
Poñemos a raia para cocer en auga fervendo con sal entre 5 e 7 minutos, dependendo do seu grosor.
Mentres se coce a raia, poñemos nunha tixola unhas pingas de aceite e pasamos os tomates cortados en trodas de grosor medio. Un minuto por cada lado.
Poñemos nun prato unha roda ou dous de tomate, sal en escamas, leituga cortada e encima a raia ben escorrida.
Nunha cunca mesturamos o AOVE, o vinagre e o hummus de pemento (dálle un toque espectacular), batemos cun garfo e rectificamos de sal.
Poñemos por encima a vinagreta e servimos.