Xurelo asado con caldo das súas espiñas e grelos de Galicia

FacebookTwitter
Xurelo asado con caldo das súas espiñas e grelos de Galicia
INGREDIENTES

Ingredientes (4 comensais):

  • 2 kg de xurelo
  • 1,5 kg de grelos frescos
  • Viño branco
  • 1 cebola
  • 3 dentes de allo
  • Brandy
  • Loureiro
  • Pementa

Receita cortesía de Alejandro Iglesias, de Restaurante Cabanas en Lalín, presentada na edición de 2022 do Salón de Alimentación do Atlántico – SALIMAT A BANCA.

Preparación:

En primeiro lugar limpamos os xurelos gardando as espiñas e sacando as espiñas exteriores.

As espiñas poñémolas nunha bandexa coa cebola, os dentes de allo, un chorro de viño e o brandy e metémolas no forno a 180ºC para tostar ben todo. Vertemos as espiñas nun cazo e cocemos con pouca auga para concentrar ben o sabor.

Facemos unha salmoira do 13% de sal e metemos os lombos de xurelo durante 15 minutos.

Escaldamos os grelos e tiramos a auga, despois cocémolas durante 40 minutos.

Marcamos o xurelo cun soplete ou no forno e salteamos o grelo con allo e pementa.

Montamos o prato cos lombos, o caldo e os grelos.