Xarda semicurada e allobranco de mexillóns
Para 4 persoas:
Para a xarda:
- 2 xardas
- 100 g de Mel de Galicia
- 200 g de salsa Tamari
- 75 g de salsa Kimchee
- 75 ml de AOVE
Para o allobranco:
- 1 dente de allo pelado
- 5 g de xenxibre fresco
- 100 g de améndoas crúas
- 50 g de codia de Pan Galego
- 1 lata pequena de Mexillóns de Galicia ao natural
- 40 ml de AOVE
- 150 ml de auga fría
- 15 g de Miso branco
Para a decoración:
- Ceboliña picada fina
- Cebola vermella envinagrada
- Fíos de Chile
Marcos Arufe do Espazo Remollo de Ames proponos esta fantástica receita de xarda que foi presentada na cata de pescadeRías de onde se non? - Suculento tesouro atlántico na última edición do Fórum Gastronómico de Galicia.
Preparación:
Comezamos limpando o peixe e retirando a espiña central e a pel. Quitamos os lombos deixando 4 limpos de cada xarda. Introducimos os lombos nunha bolsa cun chisco de AOVE. Pechámola e conxelamos como mínimo durante 5 días.
Nunha bandexa, engadimos a Mel de Galicia, a salsa tamari, a salsa kimchee e a auga da lata dos mexillóns. Mesturamos todo e poñemos os lombos das xardas na mariñada como mínimo durante dúas horas. A continuación, retiramos o peixe e secámolo con papel de cociña. Cortamos os lombos en pezas de 2 cm e dámoslles un golpe de soplete. Reservamos.
Para preparar o allobranco, introducimos o allo, o xenxibre, as améndoas, os mexillóns, a codia de Pan Galego, o miso, a auga e o AOVE nun vaso batedor e trituramos ata obter unha pasta fina e brillante. Pasamos a mestura por un coador fino e reservamos.
Presentación:
Na base do prato colocamos dúas culleradas do allobranco e enriba a xarda. Terminamos decorando coa ceboliña, os fíos de chile e a cebola vermella.
