Vieira á grella sobre crema de grelos e tinta de choco
INGREDIENTES
Ingredientes (por comensal):
- 1 vieira
- 50 g de tinta de choco co seu caldo
- 5 g de lecitina de soia
- 50 g de brotes de grelos
- 150 g de caldo de congro
Receita cortesía de Juan Manuel de la Cruz, do Restaurante Casa Obdulia , en Vigo.
Preparación:
En primeiro lugar, escaldamos os brotes de grelos no caldo do congro fervendo, trituramos moi finamente e reservamos.
Damos calor á auga e a tinta do choco, engadimos a lecitina e reservamos.
Pasamos pola grella a vieira a lume forte por ambas caras ata que estea dourada pero crúa por dentro.
Para a presentación, colocamos a crema de grelos nun prato fondo, a vieira e cubrimos cun aire de choco que elaboraremos triturando a mestura da tinta coa lecitina de xeito que se obteñan unhas burbullas de aire compactas.
