Vieira con caldo de cebolas torradas e migas de pan de broa con chourizo
Ingredientes (6 racións):
- 6 vieiras
- 1kg de cebolas chatas de Corón
- 200 gr de pan de broa
- 1 chourizo
- 100 gr de entreteto salgado de porco
- Auga mineral
- Auga de mar
- Aceite de oliva virxe extra
- Sal
- Pementa
Receita cortesía de Miguel Mosteiro, de Gastrolab Arousa, presentada na edición de 2022 da Festa da Vieira de Cambados.
Preparación:
En primeiro lugar, despegamos as vieiras das cunchas e as metemos a curar en auga de mar durante 2 horas, pasado este tempo, secámolas e reservamos en frío.
Para facer o caldo de cebolas, tras limpalas, picámolas en xuliana fina e as rustrimos cun pouco de aceite de oliva virxe extra ata que estean ben douradas.
Engadimos 1,5 litros de auga mineral e deixamos que se cociñen ata que se evapore case totalmente a auga e repetimos esta operación 3 veces. Voltamos a engadir a mesma cantidade de auga e nesta ocasión deixamos que reduza a metade. Rectificamos de sal e pementa e reservamos.
Para as migas de pan de broa, desmigámolo pan e tostámolas nunha tixola ata que estean ben crocantes. Noutra tixola fritimos o chourizo e o entreteto cortados en anacos ata que estean ben crocantes e triturámolos coas migas de pan. Reservamos.
Para rematar o prato, pasamos as vieiras pola tixola ben quente cun fío de aceite de oliva e servímolas acompañando do caldo de cebolas e as migas de broa e chourizo.
