Tataki de xarda
Para 4 persoas
- 4 xardas duns 200 g cada unha fileteadas e sen espiñas.
Para a mariñada:
- 1 allo laminado
- 8 g de xenxibre fresco relado
- pementa negra
- 1 folla de loureiro
- 1 cullerada de salsa de soia
- 1 cullerada de vinagre de arroz ou de viño branco
- 1 chisco de azucre
- 4 culleradas de aceite de oliva
- 4 culleradas de aceite de sésamo.
Para a salsa:
- 3 culleradas de vinagre de arroz
- 2 culleradas de limón
- 5 culleradas de salsa de soia
- 4 culleradas de auga
- 1 cebola tenra cortada en láminas finas
- 1 tomate pelado e cortado a dadiños
- 150 g de coliflor fervida e triturada
A presente receita foi presentada nun showcooking para a Exaltación dos produtos do mar da lonxa de Ribeira, organizado polo Obradoiro de emprego "O Pote" do concello desta localidade.
Preparación:
Mesturar todos os ingredientes da mariñada e bañar con ela o peixe, deixándoo repousar nela durante uns 30 minutos.
Para a salsa, mesturar todos os ingredientes e reservar.
Limpar da mariñada o peixe e asalo nunha tixola antiadherente quente sen engraxar. Empezar polo lado da pel e dar a volta, procurando deixar o peixe un pouco cru no centro.
Empratar, bañar coa salsa e decorar coa cebola e o tomate aderezados coa salsa e co puré de coliflor.
Acabado e montaxe:
Montarémolo sobre unha tosta de pan, o pan debémolo de tostar previamente. Poñemos unha lámina de salsa e sobre ela as cabalas. Decorámolo con brotes ou flores.
Observacións/ Detalles:
Para facer este tataki de cabala podes usar sementes de sésamo tostadas (negras) ou verdes. Este tataki consómese semicrú, así que debes conxelar o peixe polo menos 48 h a -20º para evitar o perigo de anisakis.
