Vostede está aquí

Salpicón de navallas con emulsión de pementos de Herbón Imprimir

Salpicón de navallas con emulsión de pementos de Herbón
Ingredientes

Para catro persoas:

  • Pel dun limón e dun pomelo reladas
  • 2 quilos de navallas pescadeRías
  • 12 pementos de Herbón
  • 1 cebola francesa
  • 1 pemento vermello
  • 3 cenorias reladas
  • 6 olivas negras
  • 6 tomates secos
  • 4 ameixas pasas
  • 2 xemas de ovo cocidas
  • 1 aguacate
  • 6 abelás
  • 1 allo porro
  • 1 mazá
  • Fiuncho
  • Tomiño
  • Pirixel
  • Allo
  • Pementa
  • Aceite de oliva e xirasol
  • Vinagre de mazá
  • Sal fino

Estupenda maridaxe mar-terra, con dous dos productos máis emblemáticos da nosa gastronomía, nunha orixinal elaboración. Receita do Restaurante Carmen, de Sanxenxo, que nos traslada o Grupo de Acción Local de Pesca Ria de Pontevedra.

Preparación

Emulsión de pementos: fritir os pementos de Herbón, trituralos, engadir sal e emulsionar con aceite de xirasol.

Salpicón: abrir as navallas ao vapor cunha pinga de aceite de allo e reservar.

O aceite de allo cómprase xa preparado ou elabórase macerando catro dentes de allo nun cuarto de litro de aceite de oliva.

Picar ben o resto de ingredientes e engadir as navallas cortadas. Aliñar con sal, aceite de oliva e vinagre de mazá ao gusto.

Colocar o salpicón no centro coa emulsión de pementos de Herbón ao redor.

Compartir en redes sociais