Outro polbo á mugardesa

FacebookTwitter
Outro polbo á mugardesa
INGREDIENTES
  • 1 polbo de 3 kg conxelado.
  • 500 g de Pataca de Galicia.
  • 1 Cebola
  • 1 Pemento vermello
  • 1 Pemento verde
  • 1 cullerada de pementa
  • Sal fina
  • Sal en escamas
  • Loureiro
  • Aceite de oliva virxe
  • Brotes de allo

No Gastrobar O Birrán de Ribadavia, ofrecen cociña tradicional galega, á que lle dan un toque innovador. Nesta liña, a súa chef, EmmaPinal, fainos esta orixinal proposta de polbo á mugardesa co seu toque particular.

                                                                                                                                                                                                                                                                                                                                                                                                                                                                                                        

Preparación:

O primeiro que facemos é cocer o polbo ben limpo ao xeito tradicional, asustándoo 3 veces e despois deixándoo cocer ata que estea tenro, pero terso, 25 minutos de cocción e os mesmos de repouso. Sacamos o polbo da auga e reservamos auga de cocción e polbo.

Por outrabanda, nunha tixola con aceite, rustrimos: allo, cebola, pemento verde e pemento vermello, xunto cunha folla de loureiro. Cando estea refogado engadiremos as patacas cortadas, removemos ben, engadímoslle a pementa e vertémoslle por riba o auga de cocción do polbo, deixaremos ata que se fagan as patacas, cando estean listas faremos unha crema, deixándoa ben fina e sen grumos. Rectificamos de sal.

Poremos unha prancha a quentar e marcaremos o polbo, cortando os tentáculos á metade, ata conseguir un ton dourado por ambas partes.

Para finalizar, emprataremosnunbol, primeiro a crema de pataca e por encima o polbo pranchado, terminamos cun chorriño de aceite de oliva virxe, unhas escamas de sal e decoramos cuns brotes de allo.