Lombo de pinto con salteado de cogomelos de tempada
- 200 g de espinaca francesa
- 100 g de níscaros
- 100 g de Boletusedulis
- 100 g de trompeta dos mortos
- 400 g de lombos de pinto
- Sal
- Aceite de oliva
- 2 dentes de allo
Alexo Negreira, do restaurante adherido CasAlexo en Ferrol, fainos esta outonal proposta para preparar o pinto de xeito sinxelo, na cal apreciaremos todo o sabor deste peixe.
O pinto e a maragota son considerados dous morfotipos da especie Labrusbergylta, aínda que algúns estudos científicos falan da existencia de claras diferenzas nas súas características vitais.
Son denominadas como maragotas cando teñen tonalidades verdes e acastañadas e pintos cando son vermellos con manchas brancas.
Preparación:
En primeiro lugar, poñemos nunha tixola o aceite e os dentes de allo e salteamos os cogomelos. A continuación, engadimos a espinaca francesa e sal ao gusto, ata que estea listo o salteado.
Os lombos de pinto preparámolos á prancha.
Para montar o prato, facemos unha cama co salteado, colocando os lombos enriba.
