Lombo de alfóndega á tixola, crema de apiorravo e vinagreta de encurtidos
Para 4 persoas:
- 1 peza de alfóndega de 1,75 quilos, aproximadamente
Para a crema:
- 250 gramos de apiorravo
- 100 gramos pataca
- 25 gramos de manteiga
- 50 gramos nata
- Sal e pementa
Para a vinagreta :
- 1 cullerada de cogombro agridoce picado
- 1 cullerada sopeira de tomate seco picado
- 1 cullerada sopeira de ceboliña fresca picada
- 3 culleradas sopeiras de olivas aderezadas e picadas
Javier Rodríguez Ponte “Taki”, xefe de cociña do Catering Boketé, proponnos esta fantástica receita de alfóndega que foi presentada na cata de pescadeRías de onde se non?: o mellor da nosa pesca artesanal” na última edición de San Sebastián Gastronómika.
Elaboración:
Preparar o peixe en 2 lombos e partir cada lombo en dous, salgar e dourar ben nunha tixola pola parte da pel.
Darlle a volta , dourar 30 segundos e apagar a tixola. Engadir o zume dun limón e deixar que se cociñe coa calor residual suavemente.
Para elaborar a crema, cocer a pataca e o apiorravo. Escoar, engadir a manteiga e a nata, salpementar con pementa negra, triturar e coar.
Para a vinagreta, cubrir os ingredientes con aceite de oliva virxe e 2 culleradas sopeiras de vinagre de Xerez, e mesturar ben.
Servir o peixe sobre a crema e salsear cunha cullerada colmada de vinagreta.
