Choco benedictino

Emma Pinal, Xefa de cociña de Gastrobar O Birrán de Ribadavia proponnos esta sinxela receita de choco. Esta receita foi unha das elaboracións que cociñou no showcooking  “pescadeRías de onde se non? - De proximidade e con selo propio” en Galicia Fórum Gastronómico 2025.

Preparación:

Poñer a manteiga nun cazo ao baño maría para clarificar e separar a parte graxa da parte de soro. Decantaremos  para quedarnos só coa parte graxa. Reservamos.

Na Thermomix poñeremos as xemas de ovo, o zume de limón, a auga, o sal e a pementa. Programar a 70ºC a velocidade 3 durante 4 minutos .

Unha vez que a mestura estea semimontada, engadir a manteiga clarificada aos poucos para que vaia montando.

Cando estea completamente montada, reservar en quente na mesma Thermomix.

Doutra banda, cortamos tostas grosas de Pan de Cea e con axuda dun cortapastas, formaremos discos só coa faragulla. A continuación, pasámolo pola prancha cunhas pingas de aceite de oliva.

Limpamos o choco, cortámolo en tiras e pasámolo por fariña de castaña. Retiramos o exceso de fariña e introducímolo nunha fritideira a 180°. O fritimos durante un minuto e retirámolo a papel absorbente para quitar o exceso de aceite.

Presentación:

Poñeremos de base o disco de pan, superpoñemos o choco e engadimos a salsa holandesa. Terminaremos o prato decorando coas ovas negras