Cebiche de linguado
INGREDIENTES
4 comensais:
- Pemento vermello, 80gr.
- Pemento verde, 80gr.
- Cebola morada, 80gr.
- Filetes de lombo de linguado, 1kg
- 4 limas
- 3 raviños
- Salsa picante
- Sal
O linguado é un peixe moi apreciado na cociña polo seu sabor e a súa textura, firme e delicada. Como todos os peixes brancos, é rico en minerais, ácidos graxos omega 3 e vitaminas.
A receita foi presentada polo chef Alejandro Iglesias, Restaurante Cabanas (Lalín), durante unha cata na 23ª edición do Salón da Alimentación do Atlántico SALIMAT-ABANCA.
Preparación
Picamos os pementos e a cebola moi finos, engadimos o zume das limas e reservamos.
Cortamos o linguado o máis fino posible e engadímosllo ás verduras picadas, mesturándoo ben.
Engadimos salsa picante e sal ao gusto.
Decoramos cuns filetes de raviño para darlle un toque crocante.
