Vostede está aquí

Canelón de centola e bechamel de ourizos Imprimir

Canelón de centola e bechamel de ourizos
Ingredientes
  • 1 centola
  • 1 cebola mediana
  • 1 cenoria mediana
  • 1 allo porro
  • 50  g de  Brandy
  • Aceite de oliva
  • 1 culleradiña de pemento doce
  • 30  g de tomate frito
  • 25  g de  bechamel espesa
  • 8 follas de pasta walton
  • Ceboliño
  • 35  g de fariña
  • 35  g de manteiga
  • 4  dl de leite
  • Ovas de ourizo
  • Sal e pementa
  • Noz moscada

Receita elaborada por Javier Rodríguez Ponte “Taky” durante as II Xornadas de Promoción e Difusión de Produtos do Mar de Galicia, incluída no receitario Do Mar ao Prato.                                                                                                                                                                                                                                                                                                                                                                                                                                                                                                                 

Preparación:

Cocer 13 minutos a centola en abundante auga salgada, partindo de auga morna. Arrefriar a temperatura ambiente e pelar coidadosamente extraendo a carne limpa.

Rustrir as verduras ata que estean tenras e engadir a carne limpa de centola, engadir o  brandy, a salsa de tomate e o pemento e cociñar un par de minutos. Ligar cun pouco de bechamel o conxunto e arrefriar.

Encher as follas de pasta a modo de canelón, dispoñer nunha bandexa e quentalos lixeiramente ao vapor cubertos de filme. Para a bechamel, facer unha bechamel tradicional que quede lixeira, as  ovas dos ourizos e bater ben (reservar unhas poucas ovas enteiras para a presentación).

Dispoñer un espello de bechamel de ourizos a modo de salsa nun prato e sobre ela os canelóns. Terminar coa outra metade das ovas de ourizo repartidos sobre o prato e uns puntos de aceite de herbas. Empoar de ceboliño fresco picado.

Compartir en redes sociais