Vostede está aquí

Berberechos de Noia ao vapor de algas e salsa verde mariña acidulada Imprimir

Berberechos de Noia ao vapor de algas e salsa verde mariña acidulada
Ingredientes
  • 200 g de berberechos de Noia
  • Auga de mar
  • Algas kombu e wakame
  • ½ cebola
  • ½ porro
  • 2 dentes de allo
  • Sal
  • Raiadura e zume de ½ lima
  • Ovas de tobiko e crocante de wakame (para decorar)

Rubén González, de El Cafetín de Pontevedra, ofrécenos a súa versión dunha receita tradicional da cociña galega co berberecho como protagonista.

                                                                                                                                                                                                                                                                                                                                 

Preparamos un caldo con auga de mar e as algas, sobre o cal dispoñemos un recipiente para cocer ao vapor, no que poñemos os berberechos, que se van retirando conforme abren un a un.

Para a salsa verde mariña,  rustrimos a cebola, o porro e o allo e engadimos 100 g de kombu e 100 de wakame. Deixamos cocer levemente moi suave.

Engadimos ½ litro de auga e ½ litro do caldo dos berberechos, rectificamos de sal e incorporamos a raiadura e o zume da lima, ao gusto de acidez. Trituramos, colamos e reservamos.

Empratamos os berberechos, engadimos a salsa e decoramos con ovas de tobiko e crocante de wakame.

Compartir en redes sociais