Prago marinado con ensalada de fiúncho

FacebookTwitter
Prago marinado con ensalada de fiúncho
INGREDIENTES
  • 1 kg de prago
  • 1 laranxa agre
  • 1 laranxa doce
  • 1 bulbo de fiúncho
  • 1 Kg de sal mariña
  • 100 g de azucre
  • Aceite de oliva virxe extra preferiblemente arbequina
  • 1 feixe de coandro
  • Ceboliño para decorar

A chef do Gastrobar O Birrán de Ribadavia Emma Pinnal comparte con nós esta receita de prago. O prago é un peixe exquisito da familia do ollomol, a dourada ou o sargo, aínda que menos coñecido. Anímate a pedilo na túa peixería de confianza e sorprende aos teus invitados con esta orixinal preparación.

                                                                                                                                                                                                                                                                                                                                                                                                                         

Preparación:

Limpar o prago de pel e espiñas.

Mesturar o sal co azucre.

Poñer a marinar o prago durante hora e media na mestura de sal e azucre. Retiramos, lavamos ben con auga e deixamos o prago cuberto de aceite de oliva mínimo 24 horas.

Cortar o fiúncho moi finamente (mellor coa axuda dunha mandolina), picar o coandro, mesturar e aderezar coa vinagreta feita coas laranxas e o aceite de marinar o prago e salpementar. Reservamos ata o empratado.

Filetear o prago e reservar.

Para empratar poñemos na base a ensalada. Por enriba o prago cortado en finos filetes, unha capa de laranxa doce e novamente prago en finos filetes. Salpementar e regar coa vinagreta. Terminar decorando con ceboliño.