Luras na súa tinta de A Horta do Obradoiro

Preciosa presentación destas luras na súa tinta elaboradas por Eloy Cancela e Kike Piñeiro, chefs de A Horta do Obradoiro en Santiago de Compostela. Fáisenos a boca auga só con miralas. Moitísimas grazas pola receita. 

Preparación:

Conseguir as Luras o máis frescas posibles xa que as faremos á prancha cos seus interiores.

Faremos unha picada de ramallo de mar e mesturarémolo co aceite de oliva

Por outro lado fervemos a tinta de lura e mesturámola coa maionesa e o allo que previamente asaremos uns 15 min, conseguiremos un ali-oli negro.

Cocemos a cenoria baby e a pataca violeta, que gardaremos para engadir cando empratemos.

Marcamos as luras a prancha e antes de sacalas, regámolas ca mestura de aceite de oliva e ramallo de mar, para rematar raiamos un pouco de limón.

Empratamos co ali-oli negro dando uns puntiños ao lado das luras e colocamos as verduras cocidas e os vexetais de costa para conseguir matices e texturas diferentes.