Lamprea frita, costrón de pan de Cea e tomate aromatizado

FacebookTwitter
Lamprea frita, costrón de pan de Cea e tomate aromatizado
INGREDIENTES

Para a lamprea frita

  • 1 lamprea
  • 100 gramos de fariña de trigo
  • 50 gramos de fariña fina de millo
  • 500 ml de aceite de oliva suave
  • 20 gramos de sal

 

Para o costrón de pan de Cea

  • 400 gramos de miga de pan de Cea
  • 40 gramos de porro
  • 20 gramos de cebola tenra
  • 120 de pemento verde
  • 30 gramos de tinta de lura
  • 10 gramos de aceite de oliva
  • 1 dente de allo
  • Sal

 

Para o tomate aromatizado

  • 10 gramos de allo picado
  • 80 gramos de cebola picada
  • 200 gramos de tomate moi maduro picado
  • 20 gramos de vinagre de Xerez
  • 20 gramos de azucre moreno
  • 10 gramos de sal
  • 50 gramos de aceite de oliva

A lamprea é un dos tesouros da nosa gastronomía que está en tempada os primeiros meses do ano. O chef José Manuel Mallón comparte con nós esta fantástica receita que presentou nun showcooking na feira XANTAR 18, elaborada con lampreas certificadas de A Guarda.

                                                                                                                                                                                                                                                                                                                                                                                                                                                            

Lamprea frita

Limpar a lamprea e votala en auga tépeda ata que a graxa que ten por fora se volva esbrancuxada.

Retirar do auga e raspar con coidado ata deixala limpa da graxa.

Cortar en racións e retirar as vísceras e as galas. É importante facelo enriba dunha bandexa cun pouco de viño se queremos recuperar o sangue. Poñemos as racións en salgadura dun 20% durante 10 minutos. Ao sacalas sécanse moi ben.

Pasar pola mestura de fariñas e fritir en aceite quente.

Costrón de pan de Cea

Con todos os ingredientes excepto o pan facemos unha salsa e trituramos. O pan empápase na salsa e se deixa secar durante 24 horas en forno suave.

Tomate aromatizado

Rustrir as verduras no aceite, incorporar o azucre e o vinagre e dar un fervor.

 

Presentar o prato acompañado de Alga Codium.