Escachos

Teñen unha forma moi particular, cun corpo de forma cónica que vai diminuíndo desde a parte posterior da cabeza ata o rabo. O dorso é vermello, máis claro nos laterais e branco no ventre. A cabeza é grande, triangular. Ten espiñas enriba dos ollos e distribuídas por todo o corpo, tamén presenta moitas estrías. Ten a liña lateral moi marcada, con escamas que forman, pola súa vez, unha espiña. As aletas peitorais, moi desenvolvidas, sérvenlle aos escachos para se desprazaren. A súa época de reprodución vai de xuño a agosto.
Atópanse en fondos de area ou lama preto das rochas, a partir dos 40 metros de profundidade. Non existe ningunha pesca específica. Captúranse ao arrastre ou con anzol e tamén con trasmallo durante todo o ano.
Son peixes de carne branca e consistente, cheos de sabor de mar para dárllelo aos modernos "pasteis". Cocidos poden darnos excelentes alternativas. Podemos preparalos simplemente fervidos, cun chorro de aceite de oliva, ou en caldeirada co tradicional rustrido. Os filetes, limpos, grosos, brancos e firmes, son perfectos para preparacións imaxinativas como salpicóns ou ensaladas.
Datos da especie
- Código FAO: GUY
- Nome científico:Trigla spp
- Nome galego: Escachos
- Nome castelán: Rubios
- Grupo biolóxico: Peixes

- Tamaño mínimo: 20 cm
- Forma de medición: O tamaño medirase desde a punta da cabeza ata o extremo da aleta caudal
Onde atopalos
- Confraría Sindical de Pescadores San Xoán de Redondela
- Confraría de Pescadores "La Anunciada" de Baiona (Lonxa de Baiona)
- Confraría de Pescadores "Nuestra Señora de las Arenas" de Fisterra
- Confraría de Pescadores "San Antonio" de Cambados
- Confraría de Pescadores "San José" de Cangas (Lonxa)
- Confraría de Pescadores "San Martiño" de Bueu
- Confraría de Pescadores "Virxe do Carmen" de Rianxo
- Confraría de Pescadores Virxe do Carme de Arcade
- Confraría de Pescadores Virxen do Carmen de Corcubión
- Confraría de Pescadores de Cedeira
- Confraría de Pescadores de Muros
- Confraría de Pescadores de Portonovo
- Confraría de Pescadores e mariscadores de Ferrol
- Lonxa de A Guarda
- Lonxa de Campelo, A.I.E.
- Lonxa de Malpica
- Mar do Morrazo, S.C.G.