Vostede está aquí

Novas relacionadas con PescadeRías

Publicado o martes, Abril 9, 2019 - 11:48
Do mar ao prato na Lonxa de Arcade

Os pasados 06 e 07 de Abril tivo lugar unha nova edición das xornadas Do Mar ao Prato no peirao de Arcade, organizadas pola Confraría de Pescadores Virxe do Carme, coa colaboración de Mariscos Inés, ambas entidades certificadas polo selo pescadeRías, ¿de onde se non?, e do concello de Soutomaior.

Publicado o venres, Abril 5, 2019 - 12:46
Boletín de noticias de abril

No boletín deste mes podes consultar toda a información sobre feiras e eventos que terán lugar en Abril. E descargar unha invitación para participar das catas con produtos certificados no Salón de Gourmets de Madrid!

Tamén atoparás un enlace para ver os vídeos 360º elaborados pola Consellería do Mar sobre os oficios do mar, non chos perdas!

Todo isto e moito máis premendo aquí.

Publicado o xoves, Abril 4, 2019 - 12:30
A marca pescadeRías, ¿de onde se non? recoñecida pola Comisión Europea

A marca pescadeRías, ¿de onde se non? foi destacada pola Comisión Europea como exemplo de boas prácticas dentro dos proxectos apoiados polo Fondo Europeo Marítimo e de Pesca (FEMP). O vídeo publicado pola Unión Europea amosa os obxectivos da marca, a tipoloxía de produtos e axentes que engloba a marca facendo unha viaxe polo camiño que percorren os produtos da pesca artesanal desde a súa extracción ata o seu consumo, sen esquecernos das persoas e os oficios do mar implicados. O noso agradecemento a todas as persoas e entidades que fixeron posible a gravación do vídeo.

Publicado o martes, Abril 2, 2019 - 11:00
Gañadores do sorteo da APP

O pasado 29 de marzo realizouse o sorteo para coñecer aos gañadores de los dous vales de 30 € en produtos certificados para adquirir nun establecemento adherido. Os afortunados foron Alejandro Juanatey e Jm Sanjorge, que recibirán un vale de 30 € para utilizar nunha peixería adherida. Parabéns!!

Páxinas