Un ano máis, participamos no Congreso AECOC

A marca pescadeRías de onde se non? participou como entidade colaboradora no 25º Congreso AECOC de Produtos do Mar, celebrado os días 17 e 18 de xuño no Parador de Baiona, que reuniu máis de 150 empresas da cadea mar‑industria. Ao longo das dúas xornadas abordáronse os principais retos do sector e exploráronse oportunidades para impulsar o consumo.

Un estudo presentado durante o congreso revelou que o 78 % das persoas consumidoras considera o peixe e o marisco fundamentais nunha dieta saudable. A demanda de formatos rápidos, sen espiñas e cunha boa presentación abre novos nichos de mercado, nos que a pesca artesanal galega pode ter un papel destacado.