Tripulación pescadeRías: Mónica Miranda

Este mes incorporamos á nosa Tripulación pescadeRías a Mónica Miranda, compradora de marisco.

Falamos con ela na lonxa de Muros, un dos centros de primeira venda que visita a diario para mercar marisco galego para conserveiras e depuradoras.

Acompañámola para coñecer de preto en que consiste o seu traballo e o ritmo trepidante da súa xornada. Ser compradora non é só mercar: é revisar, poxar, seleccionar, falar coa clientela, pesar, cargar, conducir… e volver empezar!

Un traballo que require ollo experto, rapidez e compromiso coa pesca artesanal galega para ofrecer o mellor á súa clientela.

Podes ver o vídeo aquí.