Proxecto piloto de etiquetado individual de peixes

Santiago de Compostela, 12 de novembro de 2012. Nas vindeiras semanas, pescadeRías poñerá en marcha un proxecto piloto para promover o etiquetado individual de peixes co logo da marca. O proxecto desenvolverase inicialmente en cinco lonxas: Baiona, Bueu, Cangas, Fisterra e Portonovo, e distribuiranse 10.000 etiquetas en cada lonxa. O sistema de etiquetado consistirá nun navete curto que incorporará unha etiqueta rectangular, onde se incluirá o logo da marca, o nome da lonxa e unha numeración de control. As etiquetas colocaranse preferentemente nos peixes de maior talla, empregando pistolas de uso alimentario. Preténdese con este sistema que o coñecemento da marca de calidade chegue ao consumidor de forma directa.