Allis shad

A zamborca (Alosa alosa) é un peixe migrador da familia dos clupeidos, de corpo fusiforme, comprimido lateralmente e cuberto por grandes escamas prateadas e redondeadas. O dorso presenta unha coloración verde azulada, mentres que o ventre é prateado. Un dos seus trazos máis característicos é a presenza dunha mancha negra detrás do opérculo, acompañada ás veces por outras máis pequenas. Pode alcanzar os 80-85 cm de lonxitude e superar os 4 kg de peso, aínda que os exemplares máis frecuentes son de menor tamaño.

Trátase dunha especie anádroma, que pasa a maior parte da súa vida no mar e remonta os ríos para reproducirse. Distribúese polo litoral atlántico europeo, desde Noruega ata Marrocos, e tamén está presente no Mediterráneo occidental.

A súa alimentación baséase principalmente en pequenos crustáceos, peixes e algas.

A reprodución ten lugar entre maio e xuño, cando os adultos remontan os ríos para desovar. Tras a freza, unha parte dos exemplares morre, mentres que outros regresan ao mar. Os xuvenís permanecen uns meses no río e, no outono, migran cara ao mar, onde completan o seu crecemento ata alcanzar a madurez sexual.

No mar captúrase fundamentalmente con redes de enmalle.