Vostede está aquí

Novas relacionadas con PescadeRías

Publicado o xoves, Febreiro 23, 2012 - 16:34
O selo de calidade Pescaderías rematou 2011 con máis de 11 toneladas de produto certificado grazas ás accións promocionais da Xunta

O selo de calidade pescadeRías rematou 2011 con máis de 11 toneladas de produto certificado grazas ás accións promocionais da Xunta. O secretario xeral do Mar, Juan Maneiro, deu conta na Comisión 8ª de Pesca e Marisqueo da evolución desta marca de calidade da que destacou o aumento significativo da certificación de produtos procedentes da pesca artesanal, pasando de máis de 2.800 toneladas no 2009 a máis de 11.400 en 2011, multiplicándose por catro a cifra de toneladas certificadas.

Publicado o xoves, Febreiro 2, 2012 - 16:33
Xantar

A secretaria xeral par ao Turismo, Carmen Pardo, presidiu esta mañá o acto central da segunda xornada da décimo terceira edición de Xantar, que se celebra ata o domingo no recinto feiral de Expourense. Na xornada de hoxe, tivo lugar o VIII Encontro de Confrarías Gastronómicas que por primeira vez neste 2011 pasou de ser Ibérico a ser Internacional porque conta nesta edición coa participación de confrarías procedentes de Francia ademais das confrarías galegas e portuguesas.

Publicado o mércores, Febreiro 1, 2012 - 16:32
Rosa Quintana define "Xantar 2012" como un escenario perfecto para a promoción conxunta dos produtos do agro e do mar

A conselleira do Medio Rural e do Mar, Rosa Quintana, definiu "Xantar 2012" como un escenario perfecto para a promoción conxunta dos produtos do sector primario. Así o expuxo durante a súa intervención na inauguración da décimo terceira edición deste Salón Galego de Gastronomía e Turismo, que tivo lugar esta mañá en Ourense e na que estivo acompañada pola secretaria xeral para o Turismo, Carmen Pardo, e o delegado territorial da Xunta, Rogelio Martínez, entre outras autoridades.

Publicado o domingo, Xaneiro 29, 2012 - 16:30
A Consellería do Medio Rural e do Mar promociona os produtos pesqueiros e do agro galego nunha nova edición de Xantar

A Consellería do Medio Rural e do Mar promocionará os produtos pesqueiros e do agro de Galicia na décimo terceira edición de 'Xantar', salón de gastronomía e turismo organizado por Expourense. Rosa Quintana achegarase ata este certame para apoiar en persoa a promoción das delicatessen que fan da nosa Comunidade un referente no sector gastronómico.

Páxinas