Formación en diferenciación de especies mariñas de interese comercial

A marca pescadeRías de onde se non? pon en marcha un programa de sesións formativas dirixidas ao persoal de lonxas, centrado no recoñecemento e diferenciación de especies mariñas de interese comercial en Galicia.

As accións, de catro horas de duración, repetiranse en distintas localidades para facilitar a asistencia do persoal das lonxas certificadas pola marca. O contido inclúe unha introdución ás principais características dos peixes e aos elementos anatómicos clave para a súa identificación.

Ademais, impartirase un módulo específico sobre parasitos en peixe, con especial atención ao Anisakis, un aspecto indispensable para a seguridade alimentaria.

Os primeiros cursos terán lugar na Lonxa de Fisterra o 28 de outubro e na lonxa de Ribeira o 29 de outubro.

Información e inscricións: 678 79 60 10
Correo: ardora@ardoraformacion.com