A Consellería do Medio Rural e do Mar promociona na feira Anuga de Alemaña os produtos galegos do mar

Santiago, 4 de outubro de 2013.- A Xunta promocionou os produtos galegos do mar na feira Anuga, que se celebrou do 5 ao 9 de outubro en Colonia. A Consellería do Medio Rural e do Mar estivo presente na 32 edición desta feira bienal cun stand de 187 metros cadrados, que albergou ás empresas galegas do sector pesqueiro, a maioría da industria conserveira e con importante acceso ao mercado alemán. Entre elas estiveron Conservas Antonio Pérez Lafuente e Cerdeimar, ambas as dúas coa certificación pescadeRías, e Frinsa del Noroeste, que estivo presente co un posto propio, tamén con produto certificado.

O departamento que dirixe Rosa Quintana dá un impulso á promoción dos produtos pesqueiros e da transformación de Galicia albergando no seu stand 9 empresas galegas. O secretario xeral do Mar, Juan Maneiro, realizou un percorrido polas instalacións co obxectivo de difundir os produtos pesqueiros galegos, chegar a novos mercados e ampliar as súas posibilidades de negocio.

Anuga

A feira Anuga é o certame máis importante de Europa no campo da agroalimentación. Está dirixida a un público exclusivamente profesional e nela danse cita cadeas de supermercados, distribuidores do sector, tanto de venda ao maior como minoristas.