14.000 seguidores en Facebook

Acabamos de chegar aos 14.000 seguidores na páxina de Facebook da marca pescadeRías de onde se non?

As redes sociais da marca buscan ser un escaparate para dar a coñecer os produtos do mar procedentes da pesca artesanal galega e fomentar o seu consumo. Isto inclúe unha ampla variedade de temáticas: desde as técnicas de extracción e captura, as especies de peixes e mariscos locais, as prácticas responsables de pesca, ata a comercialización, etiquetado, trazabilidade, seguridade alimentaria e puntos de venda. Tamén promovemos a visibilidade das empresas e entidades que apostan pola pesca local e artesanal.

Desde pescadeRías de onde se non? queremos agradecer a colaboración de todas as persoas que contribúen a este obxectivo. Isto non sería posible sen os profesionais do mar, cociñeiros e cociñeiras, consumidores/as e amantes do mar que nos acompañan cada día.
Moitas grazas!