Abadexo á galega

FacebookTwitter
Abadexo á galega
INGREDIENTES
  • 10 filetes de abadexo pescadeRías de 200 gr
  • 1 folla de loureiro
  • 10 patacas
  • Para a allada
  • 150ml de aceite de oliva virxen extra
  • 5 dentes de allo
  • 2 culleriñas de pementón doce da Vera

Elaboración

Pelamos todos os allos e fileteamos 3, reservando os outros 2 restantes. Nun cazo, botamos un chorriño de aceite e engadimos os allos fileteados, fritindo a lume baixo ata que estean dourados. Retiramos e reservamos sobre papel de cociña absorbente. Coa tixola fóra do lume e aínda quente, botamos no aceite sobrante os allos enteiros e o pimentón. Co calor residual da tixola, o pimentón soltará aroma e cor sen risco de queimarse. Deixamos repousar a allada o tempo suficiente para que o pimentón decante.

Nunha pota poñemos auga cunha folla de loureiro e fervemos. Unha vez que rompa a ferver, colocamos unha reixa de cocción coas patacas para que cozan ao vapor durante uns 10 min. Transcorrido ese tempo, metemos tamén na reixa, os filetes de abadexo pescadeRías e deixamos cocer 7 min máis. Retiramos e reservamos.

Presentación

Nun prato poñemos unha cama de pataca partida ao medio, salgada cunha escamas de sal Maldom. Enriba montamos os filetes de abadexo pescadeRías coa pel cara abaixo e salseamos o conxunto coa allada. Para rematar, poñemos as laminas de allo fritidas que reservaramos ao principio.