Phymatolithum calcareum

Alga vermella de talos de aspecto pétreo a modo de pequenos corais, moi ramificados, de cor vermella ou rosada. Os individuos non están fixos ao substrato se non que viven soltos no fondo mariño formando depósitos coñecidos como mäerl. O mäerl posúe grandes cantidades de carbonato cálcico e magnésico. É usado para corrixir a acidez do solo e como fonte de nutrientes para terra de cultivo. É unha especie de lento crecemento e está protexida pola lexislación europea para evitar a súa explotación incontrolada.