Veda da centola e do boi

O 20 de xuño comezou a veda da centola e do boi en Galicia, co peche da campaña extractiva destas dúas especies ata o outono. 

O novo Plan experimental para a xestión da centola e do boi 2026-2027 establece que a veda se prolongará ata o 8 de novembro nas zonas A e B, comprendidas entre a desembocadura do río Miño e o cabo Corrubedo, e entre o cabo Corrubedo e o cabo Estaca de Bares, respectivamente. Na zona C, entre Estaca de Bares e o río Eo, a veda da centola rematará o 29 de novembro, mentres que a do boi finalizará tamén o 8 de novembro. 

Podes consultar aquí o Plan experimental para a xestión da centola e do boi 2026-2027.