Certificacións

Durante o mes de febreiro realizáronse as auditorías de seguimento a dúas entidades certificadas pola marca, dentro dos procedementos de control e garantía de calidade habituais.

O Percebeiro S.L. superou a súa auditoría de seguimento como depuradora, centro de expedición, distribución e transformación, co alcance de bivalvos, equinodermos, cefalópodos, crustáceos e peixes.

Pola súa banda, Majeja Mariscos S.L. completou tamén a auditoría de seguimento como empresa de depuración, cetaria, distribución e transformación, co alcance de peixes, cefalópodos, bivalvos e crustáceos.

Estas actuacións reforzan o compromiso das entidades coa calidade, a trazabilidade e a orixe dos produtos do mar de Galicia.