Faro Pequeno Taberna Atlántica

Faro Pequeno Taberna Atlántica, é un novo establecemento situado nun enclave moi especial: o antigo Faro Primitivo de Cabo Silleiro (Baiona), en pleno itinerario do Camiño Portugués.

O antigo faro foi rehabilitado como taberna con sabor atlántico e conta cunha terraza moi ben orientada para gozar da posta de sol e das conservas de La Curiosa, certificadas pola marca pescadeRías de onde se non?

A proposta gastronómica inclúe peixes e mariscos frescos procedentes da pesca artesanal galega. Entre os seus provedores, as lonxas de Baiona e Cambados. Está previsto que este proxecto se complete cun hotel e restaurante ubicados no Faro Principal.