Pandemillo Taberna Mariñeira

Pandemillo Taberna Mariñeira, en Cangas, combina o encanto da gastronomía galega cunha proposta actual e coidada. Conta cun agradable espazo interior, terraza con sombra natural de parra e un ambiente acolledor para gozar da mellor cociña de produto.

Especializado en produtos da pesca artesanal galega elaborados á brasa, na súa carta destacan o polbo, as navallas e o peixe do día, sempre seleccionados pola súa frescura e calidade. A oferta complétase con carnes galegas preparadas con esmero e suxestións diarias que poñen en valor os produtos de tempada.

O establecemento ofrece tamén menú do día e servizo a domicilio. Unha proposta gastronómica que pon en valor a tradición, o produto local e o respecto pola materia prima.