Detalle producto

FacebookTwitter

Polbo

Polbo
<p>Cefalópodo de oito brazos e cabeza grande, debaixo da que agocha unha boca formando un pico "de loro" duro do que se vale para comer nécoras, cangrexos... Ten dúas filas de ventosas nos tentáculos pola súa cara interna, a diferenza do polbo cabezón. Mimetízase co fondo e carece de cuncha.</p> <p>Vive preto das costas e é de hábitos nocturnos. A súa extracción regúlase con plans de xestión anuais que establecen o período de veda, normalmente entre os meses de maio e xuño. A forma máis utilizada para capturalo é a nasa deseñada especificamente para o polbo, aínda que tamén entra en outro tipo de nasas. Está autorizada a súa captura tamén con bicheiro ou forquita, unha arte tradicional selectiva que consiste nun aparello formado por un mango de dimensión variable que leva no seu extremo unha ou dúas pugas curvadas. </p> <p>Á feira é o prato típico de Galicia por excelencia: cocido con coidado de que non se pase de tempo; isto é, durante 40 ou 50 minutos dependendo do tamaño e sen destapar a pota, para que a cocción sexa constante á mesma temperatura. Antes de empezar a fervelo é recomendable escaldalo introducíndoo tres veces na auga fervendo e, unha vez cocido e cortado, sen que arrefríe, botarlle un chorro de aceite de oliva virxe, sal e pemento doce e picante ao gusto. Tamén se presta para poñelo nunha vinagreta, encebolado ou en caldeirada segundo a receita da Illa de Ons. Está riquísimo en empanada, ou nun guiso con arroz e patacas, ou cun rustrido de cebola á mugardesa.</p>

Datos da especie

  • OCC
  • Nome científico: Octopus vulgaris
  • Nome galego: Polbo
  • Nome castelán: Pulpo
  • Grupo biolóxico: Cefalópodos
Receitas de Polbo
1000 g

Tamaño mínimo: 1000 g

O polbo medirase polo peso total unitario

Onde atopalo

Lonxas e centros de primeira venta autorizados

  • Distribuidor de produtos da pesca e marisqueo

  • Empresas de transformación