Detalle producto
Robaliza
<p>A robaliza ten un corpo longo, ovalado e esvelto, cunhas aletas dorsais separadas e sen pintas. A cabeza é longa e a cor da súa pel prateada-gris no dorso, máis clara nos lados e branca no ventre. Ten unha boca enorme, de gran depredador. A súa época de reprodución vai dos meses de Nadal ata finais de marzo e pode chegar a medir ata un metro.</p>
<p>Este peixe vive en todos os tipos de costa, preferindo os acantilados e rompentes, onde a auga ferve e arrinca da pedra crustáceos, moluscos e peixes. Vive nas costas e busca sempre as augas limpas e en corrente. Os exemplares novos de robaliza forman bancos. A técnica utilizada para capturar esta apreciada especie é o palangre con cebo vivo, patexo, con bolo, ao trasmallo ou á liña. Pódese pescar tamén ao curricán con cebos artificiais. Só cando se atopan bancos, as capturas son significativas.</p>
<p>A robaliza é un luxo na cociña. Esixa a máxima frescura, pois é un peixe do día. A súa carne branca e compacta admite tantas preparacións como se desexe: asada, ao forno, grellada, á prancha. A finura da súa carne permite apostas atrevidas, como mariñala en cru; e, como non, tamén a pode probar en caldeirada, sen pasarse na cocción. Non ten desperdicio.</p>
Datos da especie
- BSS
- Nome científico: Dicentrarchus labrax
- Nome galego: Robaliza
- Nome castelán: Lubina o Róbalo
- Grupo biolóxico: Peixes
Tamaño mínimo: 36 cm
O tamaño medirase desde a punta da cabeza ata o extremo da aleta caudalOnde atopalo
Lonxas e centros de primeira venta autorizados
- Lonxa de Redondela
- Lonxa de Baiona
- Lonxa de Fisterra
- Lonxa de Cambados
- Lonxa de Cangas
- Lonxa de Bueu
- Lonxa de Rianxo
- Lonxa de Porto do Son
- Lonxa de Arcade
- Lonxa de Corcubión
- Lonxa de Cedeira
- Lonxa de Lira
- Lonxa de Muros
- Lonxa de Portonovo
- Lonxa de Portosín
- Lonxa de Ferrol
- Lonxa de Aldán - Hío
- Cíes Artesanais S. Coop. Galega
- Lonxa de A Guarda
- Lonxa de Campelo
- Lonxa de Malpica
- Lonxa de Ribeira
- Mar do Morrazo, S.C.G.