Vostede está aquí

Novas relacionadas con PescadeRías

Publicado o sábado, Abril 9, 2011 - 15:20
A Consellería do Mar apoia 24 empresas do sector marítimo a promocionar os seus produtos no Salón Gourmets de Madrid

A Consellería do Mar promocionará os produtos pesqueiros frescos e transformados de Galicia na XXV edición do Salón de Gourmets 2011 que se celebrará en Madrid do 11 ao 14 de abril. A conselleira do Mar, Rosa Quintana, e o director xeral de Competitividade e Innovación, Juan Maneiro, achegaranse ata a feira e farán un percorrido polas instalacións para apoiar ás 24 empresas galegas presentes neste certame. A Consellería busca, coa participación na feira, promocionar os produtos do mar galego no ámbito das delicatessen nun mercado español e europeo.

Publicado o luns, Febreiro 21, 2011 - 16:19
Mar exhibe as posibilidades do peixe e o marisco galego nunha sesión de cociña en directo e Medio Rural realiza un taller de viños e tapas

A Consellería do Mar, na súa liña de potenciar os produtos galegos, ofreceu hoxe unha sesión de cociña en directo cos produtos frescos da pesca artesanal galega como ingrediente base, no marco do Fórum Gastronòmic de Girona.

Publicado o domingo, Febreiro 20, 2011 - 14:34
A Xunta leva os produtos frescos da pesca artesanal e do agro ao Forum Gastronomic de Girona para potenciar o seu consumo

Os produtos galegos do mar e do agro estaán representados dun xeito destacado no Fòrum Gastronòmic, que comeza hoxe en Girona e remata o 23 de febreiro da man da Consellería do Mar e do Medio Rural.

Publicado o martes, Decembro 7, 2010 - 14:32
A Consellería do mar impulsa o mexillón de Galicia no mes de decembro a través de distintas iniciativas promocionais

A Consellería do Mar impulsa o mexillón de Galicia no mes de decembro a través de dúas campañas promocionais e dunhas xornadas gastronómicas que poñen en valor este produto. O obxectivo destas iniciativas é mellorar a comercialización do mexillón galego durante o Nadal, incrementar a súa competitividade fronte a produtos foráneos, potenciar a Denominación de Orixe Protexida e proporcionar unha maior información aos consumidores. Neste sentido, a consellería realizou ademais en novembro o concurso profesional de cociña dedicado a este produto.

Páxinas