Sanmartiño estilo La Viuda

FacebookTwitter
Sanmartiño estilo La Viuda
INGREDIENTES
  • 1 sanmartiño de aproximadamente 1 kg.
  • 8 latas pequenas de millo doce
  • 16 tomates cherry
  • 8 espárragos grosos
  • Caldo feito coas espiñas do sanmartiño
  • Aceite de oliva
  • Allo
  • Pementa doce
  • Pementa
  • Sal

O sanmartiño, é un delicioso peixe que vale a pena probar se o atopamos na nosa peixería. Anxo Fernández, chef do Hostal La Viuda, en A Pobra de Trives, proponnos esta sinxela receita coa que podemos sorprender aos nosos convidados. 

                                                                                                                                                                                                                                                                                                                                                                                                                                                                                                                                                                                                                                                                                               

O primeiro será limpar o sanmartiño e quitarlle as espiñas, coas que faremos un caldo. A carne a cortamos en pezas grandes.

Cando estea listo o caldo, trituramos o millo e lle engadimos 4 vasos de caldo. Pasamos esta mestura por un chino e reservamos ata o momento de servir.

Co aceite, o allo e a pementa doce, faremos unha allada que utilizaremos para decorar e darlle sabor ao prato. Para elo douramos un pouco os allos no aceite, apagamos o lume e, cando arrefríe un pouco, engadimos a pementa doce e remexemos.

Os tomates escáldanse un pouco para quitarlles a pel.

O sanmartiño pásase pola prancha.

Para servir poñemos en cada prato (sopeiro) como un dedo de alto da mestura do millo co caldo, que quentaremos previamente, e as pezas de sanmartiño no medio rodeadas polos tomates e os espárragos. Salpementamos e botamos un pouco da allada para darlle cor e sabor.