Vostede está aquí

Polbo fritido con conservas en vinagre Imprimir

Polbo fritido con conservas en vinagre
Ingredientes
  • 150 g de polbo cocido
  • 2 raviños
  • 4 pementos tipo Herbón
  • Brotes frescos
  • 1 ovo
  • 20 g de fariña de millo
  • Aceite de oliva
  • Vinagre
  • Azucre
  • Sal

A chef Beatriz Sotelo presentou esta sinxela e saborosa receita durante as degustacións que tiveron lugar na XIX Festa do Polbo de Bueu. A foto do prato é de @chemagarciaseijo para www.bluscus.es.

                                                                                                                                                                                                                                                                                                                                                                                                                                       

Cocer o polbo de xeito tradicional (20 minutos por quilo “asustándoo” previamente tres veces). Unha vez frío cortámolo en toros e pasámolo por ovo e fariña de millo. Fritímolo en aceite de oliva.

Cocemos os pementos e os raviños en auga, vinagre e azucre. Sérvense fríos.

Montamos o prato co polbo, os raviños e os pementos de xeitoharmonioso, sazonamos e decoramos con brotes frescos. Podemos acompañalo cunha maionesa picante. 

Compartir en redes sociais