Vostede está aquí

Anémonas Imprimir

Anémonas
Ingredientes

Para as anémonas:

  • Anémonas
  • Fariña de millo

 

Para o ali-oli:

  • 3 g. de menta
  • 12 g. de allo negro
  • 2 ovos
  • 250 ml de aceite de xirasol ou de oliva
  • Sal
  • Vinagre ( Unha culler)

 

Para a maionesa de lima:

  • 2 limas (reladuras e zume)*
  • 2 ovos
  • sal
  • 300 ml de aceite de xirasol ou de oliva

 

* Pódese engadir máis reladura se se quere que teña máis sabor 

Laura Verde Curra, de A Parrocha, en Cangas do Morrazo, preséntanos esta sinxela receita cun novidoso e singular produto das nosas costas. As anémonas rebozadas e fritas, pódense acompañar de salsas ó gusto, para o cal ofrécenos dúas propostas.

                                                                                                                                                                                                                                                                                                                                                                                                                                                                   

Preparación das ortiguiñas:

Rebozar as anémonas coa fariña de millo; pódense tamén rebozar con ovo e pan raiado; estender sobre un papel de forno e conxelar.

Unha vez conxeladas, fritir en abundante aceite (preferiblemente na fritideira).

Preparación das salsas:

Poñer tódolos ingredientes no vaso da batedeira a excepción do aceite.

Engadir a metade do aceite e ir emulsionando coma unha maionesa, engadindo pouco a pouco o resto do aceite. Engadir máis ou menos dependendo da consistencia desexada.

É recomendable facer as salsas cun día de antelación para que se potencie o sabor.

Compartir en redes sociais