Vostede está aquí

Ruliños vexetais horta e mar Imprimir

Ruliños vexetais horta e mar
Ingredientes
  • Cenoria
  • Cabaza
  • Pemento verde e vermello
  • Cebola
  • Repolo
  • Cabaciña
  • Berenxena
  • Aguacate
  • Algas (wakame, codium…)
  • Pasta filo ou similar
  • Salsa de soia
  • Viño branco
  • Aceite de oliva

Para os amantes da comida vexetariana, CriseldaIglesias, chef da Tapería Lecer en Cangas do Morrazo, preséntanos esta sinxela receita na que as algas aportan sabor a mar e incrementan o valor nutricional do prato.

                                                                                                                                                                                                                          

Preparación:

Cortamos todos os vexetais en bastóns finos, un bastón de cada tipo de verdura por ruliñoque queiramos preparar. Salteamos a verdura con salsa de soia e viño branco agás o aguacate e as algas elixidas que as enrolamos en cru.

Deixamos arrefriando e escoando as verduras mentres preparamos a masa cortando triángulos de base de 30 cm e de lados de 20 cm.

Poñemos no centro de cada triángulo una verdura de cada, pasamos cun pincel escoado ovo batido polos bordes do triángulo para que se nos pegue a masa e enrolamos metendo cara dentro as esquinas do triángulo.

Fritimos os ruliños ou podémolos conxelar.

Compartir en redes sociais