Royal de ourizos
Para a royal
- 100 gramos de nata
- 1 lata de caviar de ourizos
- 50 gramos de leite
- 1 xema de ovo
- 1 ovo
- Sal
- Pementa negra
Outros ingredientes
- 1 ourizo de mar fresco
- Alga codium
- 1 mazá GrannySmith
- Azucre
- Zume de un 1 limón
- Aceite de oliva
Este prato foi elaborado pola cociñeira ourensá Enma Pinal, do Gastrobar O Birrán de Ribadavia, durante unha mostra de cociña en directo a última edición doSalón Internacional de Turismo Gastronómico XANTAR 2020.
Preparación:
Mesturar todos os ingredientes da royal coa axuda dunha turmix e verter en cuncas.
Abrir e limpar o ourizo. Extraer con coidado as xemas e reservar.
Cortar á brunoise a mazá e regala co zume do limón, aceite de oliva e unha cullerada de moca de azucre e metela nun recipiente pechado ao microondas durante 3 minutos. Reservar.
Meter as cuncas coa mestura da royal no forno ao vapor durante 10 minutos. Sacar do forno e deixar atemperar durante uns minutos.
Decorar a royal coas xemas de ourizo, a compota de mazá ao microondas e uns cachiños de algas codium.
