Emma Pinal, chef do Gastrobar O Birrán, no casco vello de Ribadavia, fainos esta proposta sinxela e elegante de preparación de raia.
Se atopas este peixe no teu estabelecemento de confianza, non o dubides e anímate a preparala.
Preparación:
O primeiro que temos que facer é preparar o caldo. Para elo nunha cazola con 2 l de auga incorporamos ½ l de viño branco, una cenoria, un porro, unha cebola cortada en dous e dous dentes de allo. Salpementamos e deixamos ferver 30 minutos.
Mentres, limpamos un kg de raia e a cortamos en anacos. Engadímola ao caldo fervendo e deixamos cocer outros 10 minutos. Retiramos do caldo.
Nunha tixola, quentamos 150 g de manteiga ata que teña unha cor escura, como acaramelada, con coidado de que non chegue a queimarse, e engadimos medio vaso de vinagre de viño. Deixamos reducir 1 minuto e colocamos a raia esmiuzada, dándolle outro fervor. Reservamos.
Untamos os discos de Pan de Cea co tartar de algas e tostamos.
Para o empratado, en primeiro lugar colocamos os discos de pan no centro do prato, por enriba poñemos a raia salseada e terminaremos cos alcaparróns e poñendo uns puntos decorativos co tartar.