Rapantes

Peixe plano. Corpo alongado. Ollos no lado esquerdo do corpo. Ollo superior lixeiramente máis atrás que o inferior. Boca grande, moi oblicua e cun queixo moi prominente. Cor rosada ou de cor "carne"; aletas dorsais e anais con dúas manchas escuras na parte traseira. Ata 40 cm de lonxitude.

Vive sobre fondos areosos desde uns metros ata 600-1000 m de profundidade. Aliméntase de peixes e crustáceos. O período reprodutivo pode estenderse de inverno a xuño. A migración dos ollos comeza aos 10 mm. Arredor dos 2 cm de lonxitude comezan a vida bentónica. Atópase no Atlántico oriental, desde Islandia ata Marrocos e no Mediterráneo.